Голливуд актёрларининг иш ташлаши тугади

Америка кино актёрлари, телевидение ва радио актёрлари гильдияси SAG-AFTRA Кино ва телевидение продюсерлари альянси билан дастлабки келишувга эришганини эълон қилди. Икки ташкилот ўртасида 1 миллиард долларлик шартнома имзоланди, деб хабар беради Kazinform агентлиги DWга таяниб.

Битим минимал тўловларни оширишни, федерация аъзоларини сунъий интеллект таҳдидларидан ҳимоя қилиш чораларини ва бир нечта суратга олишларда иштирок этганлик учун бонусни ўз ичига олади.

160 мингга яқин актёрлар манфаатларини ҳимоя қилувчи актёрлар уюшмаси 14 июль куни иш ташлаш эълон қилди ва АҚШ кино саноатидаги барча ишлаб чиқаришларни тўхтатди. Актёрлар иш ҳақини ошириш, қўшимча иш ҳақи тўлаш ва кинематографияда сунъий интеллектдан фойдаланишни чеклашни талаб қилишган.

Томонлар келишувга эришди ва норозилик намойишлари тугади.

Сценарий муаллифларининг иш ташлаши Голливуд иқтисодиётига жиддий зарар етказди.

Financial Times нашрининг ёзишича, Голливуд сценарий муаллифлари ва актёрларининг иш ташлаши соҳага 5 миллиард доллардан (тахминан 4,7 миллиард евро) зарар етказган.