Глобал ривожланиш ва ҳамкорлик: Қозоғистон OPEC FUND 2024да иштирок этади
ASTANA. Kazinform - Венада глобал ривожланиш ва ҳамкорликнинг асосий масалаларини муҳокама қилиш учун турли мамлакатлар, халқаро инвестиция гуруҳлари ва молиявий ташкилотлар вакилларини жамлаган OPEC Халқаро тараққиёт жамғармаси томонидан ташкил этилган форум бўлиб ўтди. Бу ҳақда ҚР Ҳукумати матбуот хизмати хабар берди.
Панель мажлисда ҚР Бош вазирининг ўринбосари – Миллий иқтисодиёт вазири Нурлан Байбазаров сўзга чиқиб, мамлакатда амалга оширилаётган иқтисодий сиёсат ва таркибий ислоҳотлар ҳақида гапирди. Унинг асосий мақсади - фуқаролар фаровонлигини оширишдан иборат. Бош вазир ўринбосари барқарор иқтисодий ўсишга эришиш учун мустаҳкам саноат базасини яратиш ва иқтисодиётни асосий инфратузилма билан таъминлашга йўналтирилган янги инвестиция цикли йўлга қўйилишини таъкидлади.
“Биз очиқлик ва ҳамкорлик тамойилларига содиқ қоламиз ва Қозоғистонга тўғридан-тўғри хорижий инвестицияларни рақобат асосида жалб этиш учун қулай шарт-шароитлар яратиш устида ишлашни давом эттирамиз”, - деди Нурлан Байбазаров.
