Гладиаторлар каби: Маск ва Цукерберг Колизейда жанг қилишлари мумкин

NEW YORK. Кazinform - Италия ҳукумати Рим Колизейидаги дунёдаги энг афсонавий жанг майдонида Илон Маскга қарши UFC жангини ташкил этиш борасида Марк Цукерберг билан алоқага чиққан, дея хабар беради Каzinform TMZ Sportsга таяниб.

Италия маданият вазири бир неча кун олдин Цукерберг билан Колизейнинг ўзида жаҳон тарихидаги энг катта жанг бўлиши мумкин бўлган жангни ўтказиш ҳақида гаплашган.

Цукерберг жамоаси бу хабарни UFC президенти Дана Уайтга етказди, унинг одамлари ўз навбатида мамлакат маданият вазири билан боғланишди.

Дунёнинг 7 мўжизасидан бири бўлган энг потенциал жанг майдонига келсак, қарийб 2000 йиллик тарихга эга бу амфитеатр юзлаб йиллар давомида катта тадбирга мезбонлик қилмаган ва фақат бир неча юз киши вақтинчалик ўриндиқларга жойлашиши мумкин.

Сэр Пол Маккартни 2003 йилда Колизейда ҳар бири 1500 доллар тўлаган 400 нафар томошабин олдида эксклюзив хайрия-шоу учун чиқиш қилган. Бошқа барча концертлар бино ташқарисида бўлиб ўтди.

Маск ва Цукерберг жанги Колизей ичида ёки ташқарисида бўлиб ўтадими, ҳозирча аниқ эмас.

Энг катта тўсиқ бўлажак рақибларнинг бўйи ва вазнидаги фарқ – Маск Цукербергдан анча баландроқ ва каттароқ. Бироқ, бу кўргазмали жанг бўлгани учун қоидалар ўзгариши мумкин.

Олдинроқ Илон Маск жангга ҳозирлик кўришни бошлагани ва машғулотларда спарринг шеригининг қўлини синдиришга оз қолгани хабар қилинганди.

Икки миллиардер ўртасидаги октагонда жанг ғояси 20 июнь куни Twitterда пайдо бўлган, ўшанда Маск ва платформанинг бошқа фойдаланувчилари Меtа ва унинг Twitterга ўхшаш рақобатчисини ишлаб чиқишни муҳокама қилишган.

Маск жангни Лас-Вегасда, UFC октагонида ўтказишни таклиф қилган, бироқ миллиардерлар ўртасидаги жанг санаси ҳали белгиланмаган.