Гинцбург: Коронавирусга қарши бурун вакцинаси 3-4 ой ичида муомалага киритилади
Гинцбург, шунингдек, янги вакцина «омикрон» коронавирус штаммига қарши самарали бўлишини айтди. «Лаборатория тажрибалари шуни кўрсатадики, «Спутник V» одатий инъекция шаклида «омикрон»дан ҳимоя қилади, табиийки, у бурун вакцинаси шаклида ҳам самарали бўлади«, - деди у.
2021 йил октябр ойида Россия Соғлиқни сақлаш вазирлиги Гамалея марказига бурун спрейи шаклида коронавирус вакцинасининг клиник синовлари иккинчи босқичини ўтказиш учун рухсат берди. Марказ директори Александр Гинцбург таъкидлаганидек, ушбу вакцина мунтазам эмлаш заруриятини бекор қилмайди, балки унга қўшимча бўлиб, инфекцияга яна бир тўсиқ бўлади. Олимнинг фикрича, бурун вакцинаси назофаренксда иммунитет ҳосил қилади ва танага киришга ҳаракат қиладиган вирус учун қўшимча тўсиқ яратади.
