Германия барча қуруқлик чегараларида назоратни жорий қилади
BERLIN. Kazinform - Жорий йилнинг 16 сентябридан Германия барча ташқи қуруқлик чегараларида чегара назоратини жорий қилади, дея хабар беради Кazinform агентлиги мухбири.
Германия ички ишлар вазири Нэнси Фазер назорат чоралари кучайтирилганини маълум қилди. Вазирнинг сўзларига кўра, текширувлар ноқонуний миграция ва терроризмга қарши кураш доирасида зарур, жумладан, яқинда мамлакатда содир этилган бир неча терактлардан кейин.
Янги чора-тадбирлар 16 сентябрдан бошлаб олти ой муддатга жорий этилади. Айни пайтда Польша, Чехия, Швейцария ва Австрия билан чегараларда вақтинчалик чегара назорати жорий қилинган.
Расмий маълумотларга кўра, 2023 йил октябрь ойидан бери жорий қилинган чора-тадбирлар туфайли 30 минг киши Германияга киришдан бош тортган.
Чегара назоратининг жорий этилиши ноқонуний миграция ва жиноятчиликка қарши курашишга қаратилган. Янги чора-тадбирлар Шимолий Рейн-Вестфалия ички ишлар вазири Герберт Ройл ва бош вазири Хендрик Вюст томонидан фаол қўллаб-қувватланди.
Аввалроқ Шимолий Рейн-Вестфалия штатида жойлашган Солинген шаҳрида Суриядан келган муҳожир уч кишини пичоқ сўйиб, яна саккиз кишини яралаган эди.
Эндиликда Германиянинг Франция, Нидерландия, Дания ва Бельгия билан чегараларида назорат қўшилди.
Ички ишлар вазири Н.Фазер Германияга амалдаги визасиз кирувчилар сонини камайтириш мақсадида паспорт назоратини кучайтирмоқчи. Хусусан, ҳужжатсиз хорижликлар ёки бошпана изловчилар. Агар қочқинлар евроҳудуднинг бошқа давлатида рўйхатга олинган бўлса, энди улар чегарада қайтарилади.
“Европа Иттифоқининг ташқи чегараларини янги умумий Европа бошпана тизими орқали ишончли ҳимоя қилишга эришмагунимизча, биз миллий чегараларимизда назоратни янада кучайтиришимиз керак”, - деди вазир.
Бироқ Европа ОАВлари Берлин қарори Европа Иттифоқи доирасида эркин ҳаракатланиш устувор аҳамиятга эга бўлган Шенген келишувларига зид эмасми, деган савол билан қизиқмоқда.
