Геннадий Головкин Риота Мурата билан жангга тайёргарликни бошлади

None
None
NUR-SULTAN. Kazinform - Полшанинг RingPolska сайти қозоғистонлик боксчи Геннадий Головкин ва япониялик боксчи Риота Мурата ўртасидаги камарларни бирлаштирувчи жангнинг ташкил этилиши ҳақида маълум қилди , деб хабар беради Kazinform Sports.kzга таяниб.

Қайд этилишича, Геннадий Головкин аллақачон тайёргарликни бошлаган ва у март ойи ўрталарида Японияга етиб бориши керак. Жанг апрел ойи бошида бўлиб ўтиши кутилмоқда.

«Бир неча ҳафта олдин Муратанинг промоутерлари Япония бокс комиссиясига иккинчи чоракнинг биринчи ойида тадбир ўтказишга рухсат сўраб мурожаат қилишган. Головкин аллақачон тайёргарликни бошлаган ва март ойи ўрталарида Японияга етиб бориши керак, чунки унинг бутун ходимлари карантиндан ўтиши керак», - дейилади сайт ахборотида.

Эслатиб ўтамиз, Головкин - Мурата жанги ўтган йилнинг декабр ойида бўлиб ўтиши керак эди, бироқ Японияда хориж фуқароларининг мамлакатга киришига қўйилган коронавирус чекловлари туфайли қолдирилган эди.

Ушбу жангда учта ўрта вазн тоифасидаги чемпионлик унвони учун кураш олиб борилади. Головкин IBF ва IBО камарларига эга, Мурата эса WBA Super йўналиши чемпиони.

Сўнгги хабарлар
telegram