Геннадий Головкин расман ISSA вице-президентлигига номзод қилиб кўрсатилди
ASTANА. Кazinform – Қозоғистон Миллий Олимпия қўмитаси президенти Геннадий Головкин Осиё ва Европа бўйича Ислом бирдамлиги спорт ассоциацияси (ISSA) вице-президенти лавозимига номзодларнинг расмий рўйхатига киритилди.
Унинг номзоди малака ва ахлоқий талабларга мувофиқлигини текширишнинг белгиланган тартибларидан ўтди. Геннадий Головкин Қозоғистон Миллий Олимпия қўмитаси номидан 2026-2029 йиллар учун ISSA Ижроия қўмитасини сайлаш учун номзод сифатида рўйхатга олинди.
Тегишли рўйхат ISSA таркибидаги барча Миллий Олимпия қўмиталарига юборилди.
Сайлов 2026 йил 12 сентябрда Саудия Арабистонининг Тоиф шаҳрида бўлиб ўтади.
Шуни таъкидлаш керакки, Ислом бирдамлиг спорт ассоциацияси Ислом ҳамкорлик ташкилотига аъзо давлатларнинг Миллий Олимпия қўмиталарини бирлаштиради. ISSA томонидан ташкил этиладиган асосий спорт мусобақаларидан бири — Ислом бирдамлиги ўйинлари.
Эслатиб ўтамиз, Геннадий Головкин Жеки Чан билан учрашди.
