Ғазодаги қурбонлар сони 44 580 нафарга етди

ASTANA. Kazinform – Сўнгги 24 соат ичида Ғазода Исроил ҳужумлари оқибатида 48 киши ҳалок бўлди. Бу ҳақда Anadolu хабар берди.

2023 йил 7 октябрдан буён 426 кун ичида Исроилнинг Ғазо секторидаги геноциди натижасида қурбон бўлганларнинг умумий сони 44 580 нафарга, яраланганлар сони эса 105 739 нафарга етди, дея хабар беради Ғазо секторидаги Фаластин Соғлиқни сақлаш вазирлиги.

Исроил армияси томонидан Ғазо секторининг турли ҳудудларида амалга оширилган “бешта қирғин” натижасида фақат охирги 24 соат ичида 48 киши ҳалок бўлди. Бундан ташқари, Фаластин анклавининг 201 нафар аҳолиси жароҳатланган.

Ҳалок бўлганларнинг жасадлари вайрон бўлган бинолар остида ва йўл четларида ҳамон ётибди. Вазирликнинг қўшимча қилишича, тез ёрдам машиналари ва фуқаролик мудофаа гуруҳлари Исроил ҳарбийлари томонидан яратилган тўсиқлар туфайли уларга етиб бора олмайди.

Эслатиб ўтамиз, БМТ агентлиги Ғазо секторига гуманитар ёрдам етказиб беришни тўхтатди.

Исроил вазири яҳудийларни Ғазога жойлашишга чақирди.