Ғазодаги қурбонлар сони 41,4 минг кишидан ошди

ASTANA. Kazinform – Фаластиннинг Ғазо секторидаги Соғлиқни сақлаш вазирлиги баёнотида, 2023 йил 7 октябрдан бери блокададаги Ғазо секторида давом этган Исроил ҳужумлари натижасида ҳалок бўлган фаластинликлар сони 41 минг 455 нафарга етди. Бу ҳақда Anadolu агентлиги хабар берди.

Сўнгги 24 соат ичида Исроил армияси Ғазонинг турли ҳудудларида учта оммавий “қирғин” содир этиб, эксклавнинг 24 нафар аҳолисини ўлдирди. Бундан ташқари, яна 60 киши жароҳатланган, дейилади хабарда.

Жароҳатланганларнинг умумий сони 95 878 нафарга етди.

Ҳалок бўлганларнинг жасадлари вайрон бўлган бинолар остида ва йўл четларида ҳамон қолмоқда. Тез ёрдам бригадалари ва фуқаролик мудофааси ходимлари Исроил кучларининг тўсиқлари туфайли уларга етиб бора олмаяпти.