Ғазода ҳалок бўлган фаластинликлар сони 51 мингга етди

ASTANA. Kazinform – 2023 йил 7 октябрдан бери Исроилнинг Ғазо секторига уюштирган ҳужумлари натижасида ҳалок бўлганлар сони 51 минг кишига етди. Бу ҳақда Ғазо секторидаги Фаластин соғлиқни сақлаш вазирлиги маълум қилди, деб ёзади Anadolu.

Агентликнинг қўшимча қилишича, сўнгги 24 соат ичида 69 ярадор ва 17 жасад эксклавдаги шифохоналарга етказилган.

19 январь куни кучга кирган сулҳ тугаган кун – 18 мартдан буён Исроил армиясининг ҳужумларида 1630 нафар фаластинлик ҳалок бўлди, 4302 нафари яраланди.

Охирги маълумотларга кўра, 2023 йил 7 октябрдан буён ҳалок бўлган фаластинликлар сони 51 минг, ярадорлар сони эса 116 минг 343 нафарга етган.

Расмийларга кўра, Ғазодаги бинолар вайроналари остида ҳали ҳам минглаб жасадлар қолиши мумкин.

Эслатиб ўтамиз, аввалроқ Ғазода ҳалок бўлган фаластинликлар сони 50,8 мингдан ошгани ҳақида ёзган эдик.

Индонезия 1000 фаластинликни вақтинча қабул қилишга тайёр.