Ғазода ҳалок бўлган фаластинликлар сони 36 мингдан ошди
ASTANA. Kazinform – Фаластин Соғлиқни сақлаш вазирлигининг Ғазо секторидаги баёнотига кўра, Исроилнинг 2023 йил 7 октябрдан бери Ғазо секторига уюштирган ҳужумлари натижасида ҳалок бўлган фаластинликлар сони 36 мингдан ошди, деб ёзади Anadolu.
Охирги 24 соат ичида Исроил ҳужумлари оқибатида 75 фаластинлик ҳалок бўлди. Бундан ташқари, яна 284 киши жароҳатланган, дейилади хабарда.
Шу тариқа, Ғазо Соғлиқни сақлаш вазирлиги маълумотларига кўра, 7 октябрдан бери Исроил ҳужумлари чоғида ҳалок бўлганларнинг умумий сони 36 171 нафарга, ярадорлар сони эса 81 420 нафарга етди.
Ҳалок бўлганларнинг жасадлари вайрон бўлган бинолар ва йўл четларида ҳамон ётибди. Вазирлик қўшимча қилишича, тез ёрдам машиналари ва фуқаролик мудофаа гуруҳлари Исроил кучлари томонидан яратилган тўсиқлар туфайли уларга етиб бора олмаяпти.
