Ғазода ҳалок бўлган фаластинликлар сони 23 минг 469 нафарга етди

Исроилнинг Ғазо секторига уюштирган ҳужумларида ҳалок бўлган фаластинликлар сони 23 минг 469 нафарга етди, деб хабар беради Kazinform агентлиги Uza.uzга таяниб.

Ғазодаги Соғлиқни сақлаш вазирлиги берган маълумотга кўра, Ашраф ал-Кедра матбуот баёнотида Исроил қўшини ўтган 24 соат ичида 112 Фаластинликни ўлдирганини ва 194 нафарини яралаганини маълум қилди.

“Ғазо сектори жанубидаги шифохоналар оғир аҳволда, чунки улар ярадорлар ва ўн минглаб қочқинлар билан тўла”, – дея таъкидлади Ашраф ал-Кедра.

Можаро бошланганидан бери 59 604 фаластинлик яраланган, улардан 6 200 нафари Ғазодан ташқарида шошилинч тиббий ёрдамга муҳтож.