Ғазо секторидаги Қозоғистон фуқароларининг аниқ сонини айтишнинг иложи йўқ – вазирлик

Қозоғистон фуқароларини Ғазо секторидан эвакуация қилиш бўйича музокаралар давом этмоқда. Бу ҳақда ҚР Ташқи ишлар вазирининг биринчи ўринбосари Қайрат Омаров маълум қилди, дея хабар беради Kazinform мухбири.

“Бизнинг дипломатик ваколатхонамиз Ғазо секторидаги Қозоғистон фуқаролари билан доимий алоқада. Хусусан, фуқароларимизни ушбу ҳудуддан хавфсиз эвакуация қилиш мақсадида Миср ҳукумати ва бошқа расмийлар билан ҳамкорликда иш олиб бормоқдамиз. Айни пайтда 45 давлат ўз фуқароларини эвакуация қилишга ҳаракат қилмоқда. Ҳозиргача бирорта ҳам чет эл фуқароси бу ҳудудни тарк эта олмади. Шунинг учун биз ишни давом эттирамиз”, - деди Қ.Омаров Сенатнинг умумий мажлисидан кейин журналистлар саволларига жавоб берди.

Унинг сўзларига кўра, Ғазо сектори аҳолисига гуманитар ёрдам кўрсатишга алоҳида эътибор қаратилмоқда. Бу ҳудудга гуманитар юк ортилган юк машиналари етиб келяпти.

“У ерда вазият жуда мураккаб. Биз можаро ҳудудида қолган мамлакат фуқароларининг аниқ сонини аниқлаяпмиз. Алоқага чиқмаганлар бор, ҳали номи ошкор этилмаган бошқаларнинг шахси аниқланмоқда. Шунинг учун одамларнинг аниқ сонини айтиш мумкин эмас. Ўтказиш пункти очилиб, одамларни олиб чиқсак, уларнинг фуқаролигини аниқлаймиз”, - деди вазир ўринбосари.

Муаллиф: Руслан Ғаббасов