21:18, 20 Февраль 2024 | GMT +5
Ғазо секторида ҳалок бўлган фаластинликлар сони 29 195 нафарга етди
ASTANA. Kazinform – 2023 йил 7 октабрдан буён Ғазо секторида Исроил ҳужумлари оқибатида 29 195 нафар фаластинлик ҳалок бўлди, 69 170 нафари яраланди. Бу ҳақда сешанба куни Ғазо Соғлиқни сақлаш вазирлиги хабар берди.

Синьхуа агентлиги маълумотларига кўра, Исроил ҳарбийларининг ҳужумлари натижасида сўнгги 24 соат ичида Ғазо секторида 103 нафар фаластинлик ҳалок бўлган, 142 нафари яраланган.
Вазирликнинг қўшимча қилишича, тез ёрдам бригадалари етишмаслиги сабабли, баъзи қурбонлар ҳамон Исроил ҳужумидан келиб чиққан вайроналари остида қолмоқда.
IDFнинг маълум қилишича, 22 ёшли аскар Ғазодаги жангларда олган жароҳатлари туфайли ҳалок бўлган. Шу тариқа, ҳалок бўлган исроиллик аскарлар сони 236 нафарга етди.