Гавайида мураккаб қутқарув ва тиклаш ишлари олиб борилмоқда
Байден маъмурияти Мауидаги ёнғинларни зудлик билан бартараф этишга бутун ҳукуматни сафарбар қилди.
Америкалик мутасадди оролдаги вазият оғирлигича қолаётганини, FEMA қидирув-қутқарув хизматлари маҳаллий ҳокимият органлари билан яқиндан ҳамкорлик қилишда давом этишини таъкидлади.
Табиий офат оқибатларини бартараф этиш учун 700 дан ортиқ одам юборилган, улардан 600 дан ортиғи аллақачон оролда.
Тиббий ёрдам, озиқ-овқат, сув, гигиена тўпламлари ва бошқа зарур нарсаларни таъминлаш учун Америка Қизил Хоч ва «United Way» кўнгиллилар ташкилоти билан ҳамкорликда табиий офат ҳудудига иккита гуруҳ юборилган.
Юзлаб қидирув-қутқарув бўлинмаларидан ташқари бедарак йўқолган одамларни топиш учун жабрланган ҳудудларга 40 га яқин кинологик қидирув гуруҳи сафарбар этилган.
АҚШ ҳукумати жабрланганларга ёрдам учун 2,3 миллион доллар ажратди ва ёрдам учун 1300 дан ортиқ аризани маъқуллади.
Омон қолганлар учун оғир вазиятларда вақтинчалик бошпана ва молиявий ёрдам бериш дастури ишга туширилди. Фавқулодда вазиятларда ёрдамни FEMAда рўйхатдан ўтказиш учун веб-сайт (DisasterAssistance.gov) ва телефон (1-800-621-3362) орқали мавжуд.
Соғлиқни сақлаш ва аҳолига хизмат кўрсатиш департаментининг 30 нафар патологи аллақачон Мауида бўлиб, яқин орада уларга АҚШ Мудофаа вазирлиги мутахассислари ўликларни аниқлашда ёрдам беришади.
Атроф-муҳитни муҳофаза қилиш агентлиги ва АҚШ армияси муҳандислар корпуси зарарланган ҳудудларни тозалаш ишларини ташкил қилишди.
Гавайидаги вазият АҚШ президенти Жорж Байден назорати остида, у қутқарув ва тиклаш ишларининг бориши ҳақида доимо хабардор бўлиб туради.
Муаллиф: Рустем Қожибаев
