Гаити шимолида кучли ёмғирлар туфайли 13 киши ҳалок бўлди

ASTANA. Kazinform – Гаити шимолида кучли ёмғирлар оқибатида камида 13 киши ҳалок бўлди, минглаб уйларга зарар етди, деб хабар беради Reuters.

Метеорология хизмати мамлакатнинг деярли барча ҳудудларида жума оқшомига қадар чақмоқ хавфи борлигидан огоҳлантирди. Сув тошқини ҳам мумкин.

Гаитининг фавқулодда вазиятлар агентлиги пайшанба куни берган баёнотида, жануби-шарқдаги Кап-Аитьен минтақасида ёмғир туфайли юзага келган кўчки бир неча уйни вайрон қилди ва 12 кишининг ҳаётига зомин бўлди.

2 мингдан ортиқ уй сув остида қолган.

Фавқулодда вазиятлар агентлиги мамлакат шимолида кўплаб чорва моллари нобуд бўлганини, марказий ҳудудларда фермер хўжаликлари вайрон бўлганини маълум қилди.