Габонда ҳарбий тўнтариш содир бўлди

LIBREVILLE. Kazinform – Габондаги ҳарбий гуруҳ ҳукумат институтларини тарқатиб юборганини ва президент Али Бонго ҳокимиятдан ағдарилганини эълон қилди, деб хабар беради Kazinform Euronewsга таяниб.

Габон президенти Али Бонго қайта сайлангани расман эълон қилинганидан сўнг миллий телевидениеда бир гуруҳ ҳарбийлар пайдо бўлди. Улар овоз бериш натижалари бекор қилингани ва барча давлат институтлари тарқатиб юборилганини эълон қилди.

AFP хабарига кўра, давлат тўнтариши ҳақида турли хавфсизлик кучлари, жумладан, претория гвардияси, миллий армия ва полиция вакиллари эълон қилган. Улар Габон раҳбариятини «мамлакатни тартибсизликка олиб келиши мумкин бўлган масъулиятсиз ва олдиндан айтиб бўлмайдиган бошқарувда» айбладилар. Ҳарбийлар айни пайтда Габоннинг халқаро мажбуриятларидан воз кечмаслигини таъкидламоқда.

Мамлакат пойтахти Либревильда автомат овозлари эшитилди. Чегаранинг ёпилиши эълон қилинди.