Қасим-Жомарт Тоқаев Чимкент ҳокимини қабул қилди
Қозоғистон Республикаси Президентига Чимкент шаҳрининг 2023 йилга мўлжалланган ижтимоий-иқтисодий ривожланиши тўғрисидаги ҳисобот тақдим этилди, деб хабар беради Каzinform Ақорда матбуот хизматига таяниб.
Ғабит Сиздиқбековнинг маърузасидан:
– ўтган йил якунларига кўра, асосий капиталга йўналтирилган инвестициялар ҳажми 26 фоизга ошиб, 724,3 миллиард тенгени ташкил этди. Ўтган йили 1 триллион тенгедан ортиқ саноат маҳсулотлари ишлаб чиқарилди. Қурилиш саноати сезиларли даражада жонланди, 1 миллион квадрат метрдан ортиқ уй-жой фойдаланишга топширилди;
– саноатни ривожлантириш мақсадида умумий майдони 867 гектар бўлган 5 та саноат зонасига инфратузилмани жалб қилиш ишлари олиб борилиб, инвестисия лойиҳалари жамғармаси яратилди;
– айни пайтда 128 мингдан ортиқ кичик ва ўрта бизнес субъекти фаолият юритмоқда. Бу 2022 йилга нисбатан 16,4 фоизга кўпдир. Тадбиркорликни ривожлантиришга қаратилган 3498 та лойиҳа 19,8 миллиард тенге миқдорида қўллаб-қувватланди.
– шаҳарда янги аэропорт терминали қуриш ва вокзални реконструкция қилиш ишлари давом этмоқда;
– шаҳарда “Изетти зейнеткер” соғломлаштириш маркази, Конгресс холл, Стол тенниси мажмуаси, янги ипподром каби иншоотлар қурилди;
– ўтган йили учта мактаб биноси, Ўқувчилар саройи ва болалар ижодиёти маркази фойдаланишга топширилди;
– “Қулай мактаб” миллий лойиҳаси доирасида 28 минг ўқувчига мўлжалланган 18 та таълим муассасаси қурилиши бошланди;
– 233 километр йўл таъмирланиб, катта қисми фойдаланишга топширилди;
Аҳоли хавфсизлигини таъминлаш мақсадида жорий йилда шаҳар кўчаларига 3 мингта видеокузатув камералари ўрнатиш, мингга яқин кўчаларни ёритиш режалаштирилган. Кейинги йилларда бундай тизимли чора-тадбирлар натижасида жиноятлар сони 33 фоизга камайди;
– йиллар давомида қаровсиз қолган собиқ Фосфорчилар саройи шаҳар балансига қайтарилди.
Марказдаги “Спутник” гулзори давлат мулки бўлиб, ҳомийлар маблағлари ҳисобидан таъмирланди.
Қасим-Жомарт Тоқаев Ғабит Сиздиқбековга шаҳар иқтисодиётини янада диверсификация қилиш, қўшимча инвестициялар жалб этиш, кичик ва ўрта бизнесни қўллаб-қувватлаш чора-тадбирларини кучайтириш бўйича аниқ топшириқлар берди.
