Футзал бўйича жаҳон чемпионати: Қозоғистон терма жамоаси Ливияни 4:1 ҳисобида мағлуб этди

ASTANА. Кazinform — Ўзбекистонда ўтказилаётган футзал бўйича жаҳон чемпионатининг 2-турида Қозоғистон терма жамоаси Ливияни 4:1 ҳисобида мағлуб этди.

Ўйиннинг 15-дақиқасида қозоғистонлик футзалчи Ақжол Дарбаев рақиб дарвозасини аниқ нишонга олиб, жамоасини олдинга олиб чиқди. Орадан икки дақиқа ўтиб Ливиядан Хамис ҳисобни тенглаштирди. Бироқ Қозоғистон терма жамоаси футзалчилари тезкорлик билан йиғилиб, чиройли комбинацияланган ҳужум уюштиришди. Кўп ўтмай Биржан Оразов таблодаги ҳисобни ўзгартирди. 18-дақиқада Жаҳонгир ҳисобни 3:1 га етказди. Ўйиндаги сўнгги гол 35-дақиқада Альберт Ақбалиқов томонидан киритилди.

Эслатиб ўтамиз, Қозоғистон терма жамоаси биринчи турда Испания билан 1:1 ҳисобида дуранг ўйнаганди. Ливия Янги Зеландияни 5:2 ҳисобида мағлуб этди.

Энди Қозоғистон терма жамоаси гуруҳдаги сўнгги ўйинини 21 сентябрь куни Янги Зеландияга қарши ўтказади.

Эслатиб ўтамиз, Ўзбекистонда футзал бўйича жаҳон чемпионати 14 сентябрдан 6 октябрга қадар бўлиб ўтади.