Футзал бўйича жаҳон чемпионати: Қозоғистон 1/8 финалда Португалияга қарши ўйнайди

ASTANА. Кazinform — 22 сентябрь куни футзал бўйича жаҳон чемпионатининг учинчи босқичи якунланиб, плей-оффга чиққан барча жамоалар аниқланди.

Миллий терма жамоа D гуруҳида Испания билан 1:1 ҳисобида дуранг ўйнади, кейин Ливияни 4:1, Янги Зеландияни 10:0 ҳисобида мағлуб этди. Натижада Испаниядан кейин ўз гуруҳида иккинчи ўринни эгаллади.

Қозоғистонлик футзалчилар 26 сентябрь куни 1/8 финалда Португалия билан куч синашади. Бу икки жамоа бунгача икки марта тўқнаш келган ва иккаласида ҳам португалияликлар ғалаба қозонган.

Дастлаб 2000 йилги жаҳон чемпионатининг биринчи даврасида ушбу рақибга 2:6 ҳисобида имкониятни бой беришган. 2021 йилда ярим финалда улар билан асосий ва қўшимча босқичларда 2:2 ҳисобида дуранг ўйнаган терма жамоа пенальтилар сериясида 4:5 ҳисобида мағлуб бўлганди.

Плей-офф босқичида Нидерландия ва Украина, Марокаш ва Эрон, Бразилия ва Коста-Рика, Испания ва Венесуэла, Парагвай ва Афғонистон, Таиланд ва Франция, Аргентина ва Хорватия терма жамоалари ўзаро тўқнаш келишади.