Футзал бўйича Қозоғистон аёллар терма жамоаси жаҳон чемпионатининг саралаш босқичида иштирок этади
ASTANА. Kazinform - Қозоғистон футзал бўйича аёллар терма жамоаси 2025 йилда биринчи марта бўлиб ўтадиган жаҳон чемпионати саралаш турнирида иштирок этади.
Асосий босқичда миллий терма жамоа олтинчи гуруҳда Нидерландия ва Польша билан куч синашади. Гуруҳ ғолиби элит босқичга йўлланма олади.
Асосий босқич ўйинлари 17-19 октябрь кунлари Астанадаги “Сайран Арена” спорт мажмуасида бўлиб ўтади.
Эслатиб ўтамиз, футзал бўйича аёллар ўртасидаги жаҳон чемпионати 2025 йилнинг 21 ноябрь – 7 декабрь кунлари Филиппинда бўлиб ўтади ва унда 16 та жамоа иштирок этади. Унга Европадан (УEФА) 4 та жамоа танлаб олинади.
Эслатиб ўтамиз, футзал бўйича Қозоғистон эркаклар терма жамоаси бу йил Ўзбекистонда бўлиб ўтган жаҳон чемпионатида D гуруҳида Испания билан 1:1 ҳисобида дуранг ўйнаган, сўнгра Ливияни 4:1, Янги Зеландияни 10:0 ҳисобида мағлуб этганди.
Кейин эса 1/8 финалда Португалияни 2:1 ҳисобида мағлуб этган бўлса, чорак финалда Аргентинага 1:6 ҳисобида имкониятни бой бериб қўйди.
Қозоғистон терма жамоаси шу пайтгача 2000, 2016, 2021 йиллардаги жаҳон чемпионатининг финал босқичида иштирок этган бўлса, 2021 йилда 4-ўринни эгаллаган.
