Футзал бўйича Жаҳон чемпионати: Aргентина финалга чиққан биринчи жамоа бўлди

NUR-SULTAN. Kazinform - Футзал бўйича Жаҳон чемпионатининг финалига биринчи бўлиб етиб келган жамоа аниқланди, деб хабар беради Kazinform мухбири.

Ярим финалнинг биринчи жуфтлигида Бразилия ва Aргентина куч синашди.

Иккаласи ҳам футзал оламида жуда ҳурматга сазовор жамоалар. Шу сабабли мухлислар учрашувни кутишганди. Учрашув кутилгандек ўтди.

Биринчи бўлимда аргентиналик Константино Вапораки 11 -дақиқада, Кристиан Борруто 13 -дақиқада гол урди. Бразилия жамоасидан Феррао 17 -дақиқада гол билан жавоб қайтарди.

Шу тариқа Aргентина рақибини 2: 1 ҳисобида мағлуб этди ва финалга чиқди. У 30 сентябр куни ярим финалда Қозоғистон ва Португалия жуфтлиги ғолиби билан тўқнаш келади.

Эслатиб ўтамиз, Aргентина 2016 йилда Жаҳон чемпиони унвонини қўлга киритган эди. Бразилия 5 марта олтин медални қўлга киритган.

Испания ҳам икки марта чемпионликни қўлга киритди.

Қозоғистон терма жамоаси бунгача Жаҳон чемпионатининг финал босқичида икки марта иштирок этган. 2000 йилда у биринчи босқичдан ўта олмади ва 2016 йилда нимчорак финалга чиқди.

Жаҳон чемпионати финали 3 октябрга белгиланган.