Футбол: Қозоғистон терма жамоаси пойтахтда Тожикистонга қарши ўртоқлик учрашуви ўтказади

NUR-SULTAN. Kazinform - Бугун, 16-ноябр куни футбол бўйича Қозоғистон миллий терма жамоаси пойтахтда Тожикистон билан ўртоқлик учрашуви ўтказади, деб хабар беради Kazinform мухбири.

Ўйин Нур-Султан вақти билан соат 19.00да бошланади ва Qazsport телеканали орқали жонли эфирда намойиш этилади.

Икки жамоа бунгача тўрт марта тўқнаш келишган. Уларнинг барчаси ўртоқлик учрашувларидир. Уч учрашувда қозоғистонлик футболчилар устунлик қилган бўлса, бир ўйинда дуранг қайд этилган.

Икки жамоа охирги марта 2014 йилнинг 12 августида тўқнаш келиб, Қозоғистон жамоаси 2:1 ҳисобида ғалаба қозонган эди.

Муаллиф: Адилжан Умбет