Футбол: Чемпионлар лигасида рекорд натижа қайд этилди

ASTANA. Kazinform – 29 январдан 30 январга ўтар кечаси Чемпионлар лигаси умумий босқичининг 8-туридан ўрин олган 18 учрашувда 64 та гол киритилди.

кубок
Фото: championat.com

Сhampionat.com нашрининг ёзишича, бу ХХI асрнинг энг яхши кўрсаткичи.

Умуман турнир тарихида эса иккинчи натижа ҳисобланади. Бунгача 1970 йил 16 сентябрда 1970-1971 йилги Европа чемпионлар кубогининг биринчи босқичида 16 та ўйинда 66 та гол урилган.

Чемпионлар лигасининг умумий мавсумида Англиянинг “Ливерпуль” клуби 8 ўйинда 21 очко жамғариб, энг яхши натижани қайд этди. Испаниянинг “Барселона” жамоаси 19 очко билан иккинчи ўринни эгаллаган бўлса, Лондоннинг “Арсенал” жамоаси (19 очко) кучли учликни якунлаб берди.

Дастлабки саккизликка кирган жамоалар дарҳол 1/8 финалга йўлланма олди. 9-24-ўринларни эгаллаган клублар эса қолган саккизта ўрин учун кураш олиб боради.

Сўнгги хабарлар