Футбол бўйича Олимпия ўйинларининг чорак финалига чиққан жамоалар маълум бўлди

PARIS. Kazinform - Франция пойтахти Париж шаҳрида давом этаётган Олимпиада ўйинларида эркаклар (U-23) футбол бўйича мусобақанинг гуруҳ босқичи якунланиб, чорак финалга йўл олган барча жамоалар аниқланди.

Олимпиаданинг гуруҳ босқичида 16 та жамоа иштирок этди. Натижада ҳар бир гуруҳда энг яхши 2 та жамоа плей-офф босқичига йўлланма олди.

А гуруҳида Франция ва АҚШ, В гуруҳида Марокаш ва Аргентина, C гуруҳида Миср ва Испания, D гуруҳида эса Япония ва Парагвай жой олган.

Энди чорак финалда Франция ва Аргентина, Миср ва Парагвай, Марокаш ва АҚШ ҳамда Япония ва Испания терма жамоалари энг кучлиларни аниқлайди.

Чорак финал 2 августда, ярим финал ўйинлари эса 5 августда бўлиб ўтади.

Бронза медали учун учинчи беллашув 8 августга, финал эса 9 августга белгиланган.

Эслатиб ўтамиз, бугун, июль ойининг сўнгги куни Париж Олимпиадасида қозоғистонлик спортчилар спортнинг беш тури – триатлон, стенддан отиш, бокс, спорт гимнастикаси ва ўқ отиш бўйича беллашади.

Айни пайтда Қозоғистон терма жамоаси 1 та олтин ва 2 та бронза медали билан медаллар жадвалида 12-ўринда бормоқда.