Футбол бўйича Миллатлар лигасида Испания кетма-кет иккинчи марта дуранг ўйнади

None
None
NUR-SULTAN. Kazinform - UEFА Миллатлар лигаси 2-турининг биринчи куни ўтказилди, деб хабар беради Кazinform мухбири.

Куннинг асосий ўйини А лигаси иккинчи гуруҳидан ўрин олган Чехия ва Испания терма жамоалари ўртасида бўлиб ўтди.

Ўйин давомида чехиялик Якуб Пешек 4-дақиқада ҳисобни очган бўлса, испаниялик Гави 45-дақиқада гол билан жавоб қайтарди. 66-дақиқада Ян Кухта яна Чехияни олдинга олиб чиқди, 90-дақиқада Иньиго Мартинес ҳисобни тенглаштирди.

Шу тариқа жамоалар 2:2 ҳисоби билан кифояланишди. Испания кетма-кет икки ўйинда дуранг ўйнади ва бор-йўғи икки очкони қўлга киритди.

Ушбу гуруҳда Португалия Швейцарияни 4:0 ҳисобида мағлуб этди.

Куннинг қолган ўйинлари натижалари қуйидагича:

B лигаси 4-гуруҳи

Сербия – Словения 4:1

Швеция – Норвегия 1:2

C лига 2 гуруҳи

Кипр – Шимолий Ирландия 0:2

Косово – Греция 0:1

C лига 4 гуруҳи

Гибралтар – Шимолий Македония 0:2

Болгария – Грузия 2:5

D лига 2-гуруҳи

Сан-Марино – Мальта 0:2

2-турнинг иккинчи ўйини 6 июн куни бўлиб ўтади.

Эслатиб ўтамиз, Қозоғистон терма жамоаси Словакия билан учрашади.

Муаллиф: Адилжан Умбет

Сўнгги хабарлар
telegram