Футбол бўйича Евро-2024: Қозоғистон - Финляндия учрашувини қайси каналда томоша қилиш мумкин

ASTANА. Кazinform – 7 сентябрь, пайшанба куни Астана шаҳрида футбол бўйича 2024 йилги Европа чемпионатига саралаш ўйини бўлиб ўтади, унда Қозоғистон терма жамоаси ўз майдонида Финляндия терма жамоасини қабул қилади, дея хабар беради Кazinform Sports.kzга таяниб.

Қозоғистон - Финляндия учрашувининг жонли эфири Астана вақти билан соат 20:00да бошланади. Ушбу ўйинни Qazsport телеканали орқали жонли эфирда томоша қилиш мумкин бўлади.

Евро-2024 саралаши доирасидаги сўнгги учрашувида Қозоғистон терма жамоаси сафарда Шимолий Ирландия термасини (1:0), Финляндия ўз майдонида Сан-Марино жамоасини (6:0) мағлуб этди. Жамоаларнинг юзма-юз учрашуви олдидан «Н» гуруҳи турнир жадвалидаги ўрни қуйидагича: Финляндия – 9 очко, Қозоғистон – 9 очко, Дания – 7 очко, Словения – 7 очко, Шимолий Ирландия – 3 очко, Сан-Марино - 0 очко. Барча жамоалар тўртта ўйин ўтказишди.