Футбол: Астанада бўлиб ўтадиган "Афсоналар ўйини"га кимлар келиши маълум бўлди
ASTANА. Kazinform — Қозоғистон футболи куни муносабати билан 25 апрель куни Астана шаҳрида бўлиб ўтадиган жаҳон ва Қозоғистон футболи афсоналари учрашувида кимлар иштирок этиши маълум бўлди.
Бу ҳақда Қозоғистон футбол федерацияси матбуот котиби Сейил Қожатай ўзининг ижтимоий тармоқдаги саҳифасида маълум қилди.
Қозоғистон афсоналари таркибида Улан Қонисбаев, Азат Нурғалиев, Алмат Бекбаев, Сергей Скорих, Александр Кучма, Ренат Абдулин, Қайрат Аширбеков, Вячеслав Богатирев, Танат Нўсербаев, Жамбил Кўкеев, Давид Лория, Самат Смаков, Елдос Ахметов, блогер Артур Асқарули иштирок этади.
Жаҳон афсоналари таркибида Виктор Баия, Марко Матерацци, Хавьер Дзанетти, Кристиан Дзаккардо, Дуглас Майкон, Жей-Жей Окоча, Димитар Бербатов, Сержиньо, Клод Макелеле, Халилу Фадига, Кларенс Зеедорф, Эстебан Камбьяссо, Гаиска Мендьета ва Фернандо Морьентес мавжуд.
Ўйин 25 апрель куни пойтахтдаги "Астана Арена" стадионида бўлиб ўтади.
Қайд этиш жоизки, мазкур футбол фестивали Марказий Осиёда бўлиб ўтадиган жаҳон турнесининг илк ўйини бўлади.
“Афсоналар ўйини” Қозоғистон футбол федерацияси кўмагида ташкил этилмоқда.
