FTX крипто биржаси асосчиси 25 йиллик қамоқ жазосига ҳукм қилинди

ASTANA. Kazinform - Энг йирик криптовалюта биржаларидан бири FTX асосчиси ва собиқ бош директори Сэм Бэнкман-Фрид АҚШ суди томонидан 25 йиллик қамоқ жазосига ҳукм қилинди, деб ёзади DW.

Айыпталды
Фото: yahoo.com

Аввалроқ Бэнкман-Фрид молиявий фирибгарликни ташкил қилишда, мижозлардан 8 миллиард долларни ўзлаштиришда айбдор деб топилган эди.

Прокурорлар 40 йилдан 50 йилгача қамоқ жазосини сўраган. Ҳукм 28 март, пайшанба куни Нью-Йорк округи судьяси Льюис Каплан томонидан эълон қилинди. Суд крипто-инвесторни мижозларга 11 миллиард доллар товон тўлашга мажбур қилди.

Судянинг сўзларига кўра, айбланувчи “бу жиноятларни содир этгани учун бир оғиз ҳам пушаймонлик билдирмаган”.

2019 йилда ташкил этилган FTX биржаси 2022 йил ноябрь ойида 32 миллиард долларга баҳоланган. Бэнкман-Фриднинг иккинчи йирик бизнеси активлари асосан ўз биржаси томонидан чиқарилган криптовалютадан иборат эканлиги журналистик текширув аниқланганидан сўнг бир неча кун ичида активлари нолга тушди.

Сўнгги хабарлар