Француз фильмлари илк бор қозоқ тилида намойиш этилади
ASTANA. Kazinform - Қозоғистонда француз премьералари ҳафталиги, сўнгра қозоқ тилида француз фильмлари ташкил этилади. Франциянинг Қозоғистондаги элчихонаси Қозоғистон ва Франциянинг кино ишлаб чиқариш соҳасидаги ҳамкорлиги ҳақида батафсил тўхталиб ўтди.
“Октябрь ойида француз фильмлари премьералари ҳафталигини ўтказишни режалаштирганмиз. Франциянинг энг машҳур фильмлари қозоғистонлик томошабинлар эътиборига ҳавола этилади. Премьера ҳафтасидан сўнг биринчи марта қозоқ тилига дубляж қилинган француз фильмларининг намойишини ташкил этиш ниятидамиз. Францияда қозоқ фильмларини қўллаб-қувватлашга тайёрмиз. Шунингдек, Франция Миллий кинематография ва анимация маркази (CNC) экспертларининг Қозоғистонга амалий ташрифи ташкил этилади”, - дея хабар берди Франциянинг Қозоғистондаги элчихонаси.
Шунингдек, икки йўналиш: қўшма кино ишлаб чиқариш ва икки томонлама кинопрокат бўйича мунтазам учрашувлар ўтказиш режалаштирилган.
“Қозоғистонлик мутахассисларни Францияда ўқув семинарлари ва малакасини ошириш имкониятлари кўриб чиқилмоқда. Биз кинони қўллаб-қувватлаш давлат маркази ва соҳа мутахассислари билан ҳамкорликда энг фойдали йўналишларни аниқлашга ҳаракат қиламиз”, - дея аниқлик киритди Франциянинг Қозоғистондаги элчиси.
Эслатиб ўтамиз, Қозоғистон Миллий кинематографияни қўллаб-қувватлаш маркази ва Франция Миллий кинематография ва анимация маркази ўртасида Канн халқаро кинофестивали доирасида ҳамкорлик бўйича қўшимча келишув имзоланган эди. Томонлар кино маҳсулотларини тарқатиш бўйича ҳамкорлик қилишга келишиб олдилар.
