Францияда иссиқ ҳаво ва қурғоқчилик: 50 та ҳудудда хавф эълон қилинди
ASTANA. Kazinform – Францияда иссиқ ҳаво ва қурғоқчилик сақланиб қолмоқда, ўрмон ёнғинлари хавфи сезиларли даражада ошган. Мамлакатнинг 50 та департаментида тўқ сариқ хавф даражаси эълон қилинди, деб хабар беради Anadolu агентлиги.
Meteo-France метеорология хизмати маълумотларига кўра, тўқ сариқ хавф даражаси асосан мамлакатнинг шимоли-ғарбидаги департаментларда жорий этилган.
Айрим ҳудудларда кундузи ҳаво ҳарорати 40 даражагача кўтарилиши мумкин.
Мамлакат шимолидаги Па-де-Кале департаментида бу ёзда бешинчи иссиқ ҳаво тўлқини қайд этилмоқда. Бу ерда бир кун аввал бошланган ўрмон ёнғини ҳали тўлиқ назоратга олинмаган.
Ёнғин 180 гектар майдонни қамраб олди. Бир турар жой яшаш учун яроқсиз ҳолга келган.
Иль ва Вилен префектураси маълумотига кўра, Сен-Жюст қишлоғида бир кун аввал бошланган ўрмон ёнғини 200 гектар майдонга тарқалган. Хавфли ҳудуддан 96 киши эвакуация қилинган. Ёнғинни 208 нафар ўт ўчирувчи бартараф этишга ҳаракат қилмоқда.
Аввалроқ иссиқ ҳаво туфайли Франция ҳудудининг 85 фоизи қурғоқчиликдан зарар кўргани хабар қилинган эди. Шунингдек, мамлакатда йирик ўрмон ёнғинлари ҳам содир бўлган.
