Франция ташқи ишлар вазири Исроилга ташриф буюрди
Франция ташқи ишлар вазири Кэтрин Колонна айни дамда исроиллик ҳамкасби Эли Коэн билан Ашкелонда, дея хабар беради Кazinform агентлиги BBC Newsга таяниб.
Times of Israel нашрининг ёзишича, Колонна ўз ташрифини Исроил билан бирдамлик ифодаси деб атади.
“Бу, шунингдек, Франция Исроил халқининг дардига шерик эканини айтишнинг бир усули”, - дея қўшимча қилди у.
7 октябр куни ХАМАСнинг Исроилда уюштирган ҳужуми оқибатида 17 нафар Франция фуқароси ҳалок бўлган, номаълум сондаги французлар бедарак йўқолган ва эҳтимол гаровга олинган.
Франция ҳам бутун Европа Иттифоқи каби ХАМАСни террорчи ташкилот деб билади. Бундан ташқари, Франция тартибсизликларнинг олдини олиш учун Фаластинни қўллаб-қувватловчи ҳар қандай фаолиятни тақиқлаган.
Шунга қарамай, 12 октябрь куни ўтказилган акция фаоллар ва полиция ўртасидаги тўқнашув билан якунланди.
