Франция прокуратураси Ле Пенни ҳибсга олишни талаб қилди

ASTANA. Kazinform – Париж прокуратураси “Миллий бирлик” партиясининг амалдаги етакчиси Марин Ле Пенни беш йилга озодликдан маҳрум этишни ва шу муддат давомида давлат лавозимларида ишлашни тақиқлашни талаб қилди, деб ёзади DW.

Агар суд айбловларга рози бўлса, 56 ёшли Ле Пен 2027 йилги Франция президентлиги учун номзодини қўя олмайди. Прокурорлар партияни икки миллион евро жаримага тортишни ҳам талаб қилган.

Ле Пен ва Миллий иттифоқнинг 20 дан ортиқ бошқа вакиллари Европа Иттифоқи маблағларини нотўғри ишлатишда айбланмоқда. Айбловга кўра, сиёсатчи ноқонуний “тизим”ни бошқарган, унда Европарламент депутатлари ёрдамчиси сифатида ишлаган ва маош олган одамлар ҳақиқатда Ле Пен ёки унинг партиясида ишлаган. Умумий қиймати тахминан 7 миллион еврони ташкил қилади.

Прокурорлар, адвокатлар апелляция берган тақдирда ҳам, тақиқ дарҳол кучга киришини исташди. Ле Пеннинг ўзи прокурорларни “француз халқини кимга хоҳласа, овоз бериш имкониятидан маҳрум қилиш”да айблади.

“Мен ҳеч қандай қонунбузарлик ёки ноқонуний ҳаракатга қўл урдим, деб ўйламайман”, — деди у.