Франция Москвадаги терактдан кейин хавфсизлик чораларини кучайтирди
FRANCE. Kazinform – Франция ҳукумати жума куни Москвада юз берган терактдан сўнг мамлакатга юзага келиши мумкин бўлган таҳдидлар туфайли мамлакат миллий терроризмга қарши огоҳлантириш тизимининг энг юқори даражасини фаоллаштиришга қарор қилди, деб хабар беради Синьхуа агентлиги.
Франция президенти Эммануэль Макрон якшанба куни кечқурун Елисей саройида Москвадаги терактдан сўнг мудофаа ва хавфсизлик масалалари бўйича йиғилиш ўтказди, деб ёзди мамлакат бош вазири Габриэль Атталь Х ижтимоий тармоқда.
“ДАИШ томонидан эҳтимолий ҳужум ва мамлакатимизга таҳдидни инобатга олиб, биз Вигипират даражасини энг юқори даражага кўтаришга қарор қилдик, чунки ҳужум қилиш хавфи жуда юқори”, – деб ёзади Г.Атталь.
Эслатиб ўтамиз, 22 март куни Москва шимоли-ғарбидаги “Крокус Сити Холл” концерт залида отишма содир бўлиб, камуфляж кийган одамлар тинч аҳолига қарата ўт очган эди.
Россияда 24 март Умуммиллий мотам куни деб эълон қилинди.
Москва вилоятидаги теракт қурбонлари сони 139 кишига етди.
