Франция Москвадаги теракт туфайли Олимпия ўйинларига ташриф буюрувчилар сонини камайтирди

ASTANA. Kazinform – Москва яқинидаги теракт муносабати билан Франция террорчилик хавфининг энг юқори даражасини эълон қилди. Бу ҳақда 24 март, якшанба куни Х ижтимоий тармоғида мамлакат бош вазири Габриэль Атталь маълум қилди, деб хабар беради Deutsche Welle агентлиги.

во Франции ввели наивысший уровень террористической опасности
Фото: Michael Debets/Pacific Press/picture alliance

Унга кўра, Франция президенти Эммануэль Макрон Елисей саройида мамлакат Мудофаа ва миллий хавфсизлик кенгашини йиғди. Атталь 22 март куни Москва чеккасидаги Красногорск шаҳридаги Crocus City Hall концерт залида содир этилган терактни келтириб ўтган, ўшанда бир неча қуролланган шахс ташриф буюрувчиларга қарата ўт очган, сўнгра бинога ўт қўйган.

“Исломий давлат” террорчилик даъвоси ва мамлакатимизга таҳдидни инобатга олиб, биз Вижипиратни (Миллий терроризмдан огоҳлантириш тизими) энг юқори даражага – “фавқулодда ҳолат”га кўтаришга қарор қилдик”, – деди Атталь.

Март ойи бошида Politico газетаси Макрон 26 июль куни Парижда бўлиб ўтадиган Олимпиада ўйинларининг очилиш маросимида теракт хавфи туфайли томошабинлар сонини камайтиришга буйруқ бергани ҳақида хабар берган эди. Газетанинг ёзишича, ўша пайтда мамлакат разведка хизматлари 2024 йилги Олимпиада ўйинлари вақтида терактлар хавфини қайд этмаган, бироқ “ислом терроризми”дан хавотир билдирган. Франция ички ишлар вазирлигининг айтишича, қатор террорчи гуруҳлар, жумладан, "Исломий давлат" ва "Ал-Қоида" мамлакатни бўлажак ҳужумлар учун потенциал нишон сифатида кўради, бироқ уларга хориждан уюштириш учун "молиявий салоҳият" йўқлиги тўсқинлик қилаётганини айтади.

Париждаги Олимпия ўйинларининг тантанали очилиш маросими одатдагидек стадион ичида эмас, очиқ майдонда – Сена қирғоғида бўлиб ўтади.

Сўнгги хабарлар