Французлар умуммиллий иш ташлашга тайёрланмоқда

PARIS. Кazinform – Касаба уюшмалари мурожаати ва сўл партиялар қўллаб-қувватлаши билан 19 январ куни Франция кўчаларига ўн минглаб одамлар пенсия ислоҳотига қарши намойишга чиқади. Бу ҳақда Кazinform Еuronewsга таяниб хабар беради.

Марселда норозилик намойишлари муддатидан олдин бошланди: юзлаб намойишчилар ҳукумат таклиф қилган ўзгаришларни рад этишларини эълон қилиб, шаҳар марказидан ўтишди.

Ислоҳотнинг асосий қисми пенсия ёшини 62 дан 64 га оширишдан иборат. Расмийларнинг ҳисоб-китобларига кўра, бу ҳар йили ғазнага 10 миллиард евро туширишга ёрдам беради ва молиявий ижтимоий қўллаб-қувватлаш харажатларини оширишга имкон беради. Вазирлар Маҳкамасининг айтишича, бошқа йўл йўқ.

«Фактлар аниқ. Пенсионерлар сонига нисбатан иш билан бандлар сони камаймоқда. 2005 йилда ҳар бир нафақахўрга икки ишчи тўғри келди. Бугун 1,7, эртага эса 1,5 бўлади.Шунинг учун биз пенсия тизимимизнинг балансини тиклашимиз керак», - деди Франция бош вазири Элизабет Борн.

Иш ташлаш туфайли транспортда жиддий муаммолар юзага келди. SNCF миллий темир йўл ташувчисининг маълумотларига кўра, 18 январ куни кечқурун бошланган поездлар қатновидаги узилишлар 20 январ эрталабгача давом этади.

Фото: ru.euronews.com