Францияликлар ҳукуматни вакцина билан эмлашнинг сустлиги учун танқид қилмоқда

BRUSSEL. Kazinform - Франция ҳукумати чоршанба куни Covid-19га қарши эмлашнинг сустлиги учун танқид қилинди, деб хабар беради Kazinform мухбири.

Франция оммавий ахборот воситалари Европа Иттифоқи «Pfizer-BioNTech» препарати билан эмлашни расман тасдиқлаганига беш кун бўлганига қарамай, Францияда эмланганлар сони Европа Иттифоқининг бошқа мамлакатларидаги каби кўп эмаслигини хабар қилишди.

Дастлабки уч кун ичида 100 дан кам одам эмланганлиги хабар қилинган. Германияда эса 42 минг киши эмланди. Ушбу статистика шуни кўрсатадики, ҳукумат эмлашга нисбатан эҳтиёткорлик билан муносабатда бўлаётган бўлиши мумкин.

Европа Иттифоқидан уч ҳафта олдин «Pfizer-BioNTech» вакцинасини қўллай бошлаган Буюк Британия аллақачон юз минглаб одамларни эмлаган. Қўшма Штатларда 1 миллиондан ортиқ одам ушбу дорини қабул қилиб улгурган.

Париждаги Жорж Помпиду касалхонаси фавқулодда вазиятлар хизмати раҳбари Филипп Жювеннинг айтишича, Францияда ҳали ҳам миллий эмлаш стратегияси мавжуд эмас.

«Мен инсон сифатида одамларга эмлашдан эмас, балки COVID-19дан ўлишимиз мумкинлигини таъкидлардим», - деди шифокор маҳаллий оммавий ахборот воситаларига.

Сўровномалар шуни кўрсатадики, французларнинг атиги 40% эмлашни хоҳлайди.

Муаллиф: Арнур Рахимбеков