Франциядаги тартибсизликлар: жума куни кечқурун 470 дан ортиқ одам ҳибсга олинди
BFMTV телеканали шанба куни ички ишлар ва хориждаги ҳудудлар вазири Жеральд Дарманин хабар қилганидек, аввалроқ 270 нафар киши, жумладан, 80 нафардан ортиғи Марсельда ҳибсга олинган.
Жума куни кечқурун Марсель мери Бенуа Паян вазирдан шаҳарга «зудлик билан қўшимча ҳуқуқ-тартибот кучларини юборишни» талаб қилди.
«Марсельдаги талончилик ва зўравонликни қабул қилиб бўлмайди. Мен бу вандализм ҳаракатларини қаттиқ қоралайман», – деб ёзди у Twitterда.
ОАВ хабарларига кўра, шаҳар устидан разведка самолёти ва жандармерия вертолёти учиб ўтяпти, кўчаларда эса зирҳли машиналар тез-тез кўзатиляпди. Agence France-Presse хабарига кўра, расмийлар тартибсизликларни бостиришга ихтисослашган республика хавфсизлик компанияларидан қўшимча полиция ходимларини юбориши мумкин.
Аввалроқ шаҳарда тажовузкор фуқаролар гуруҳлари ўнлаб дўконларни, жумладан, қурол-яроғ дўконини талаган эди. Кейинроқ ўғриликда гумон қилинганлардан бири қўлга олинди, унинг ёнидан ов милтиғи топилди. Бу тартибсизликлар пайтида қурол дўконларининг ўғирланиши билан боғлиқ биринчи ҳодиса эмас: ижтимоий тармоқларда қуролланган одамларнинг видеолари тобора кўпайиб боряпти. Улардан бирида эркак шаҳар кўчалари кузатув камераларига қарата милтиқдан ўқ узган.
