Францияда юк машинаси билан 86 кишини босиб кетган террорчилар устидан суд жараёни бошланди

NUR-SULTAN. Kazinform - Парижда 2016 йилнинг 14 июл куни Ниццанинг инглиз қирғоқларида содир этилган теракт бўйича суд бошланди, дея хабар бермоқда Kazinform Euronews телеканалига таяниб.

Юк машинаси билан одамларни босиб ўтган радикал исломчининг ҳужуми оқибатида 86 киши ҳалок бўлди, 458 киши яраланди.

Теракт содир этган, асли тунислик Муҳаммад Лахуайедж Бухлел жиноят содир этилган жойда полиция томонидан отиб ўлдирилган.

Биринчи куни суд саккиз нафар жавобгарнинг шахсини аниқлади ва фуқаролик даъвогарларининг таркибига аниқлик киритди, уларнинг сони 865 кишига етди.

Париждаги тингловга ҳамма ҳам қатнаша олмайди, шунинг учун Ниццада трансляция бўлиб ўтадиган иккита махсус зал мавжуд. Жараён 16 декабрга қадар давом этади.

Иш бўйича уч нафар айбланувчи ҳибсда сақланмоқда.

Тўрт кишига нисбатан ҳеч қаёққа кетмаслик эҳтиёт чораси танланди.

Тунисда ҳибсда сақланаётган яна бир айбланувчини адвокат ҳимоя қилмоқда.

Видеодан олинган сурат / euronews.com