Францияда янги табиат қонунига қарши иш ташлашлар бўлиб ўтяпти

STRASBOURG. Kazinform – Шу ҳафта Франциянинг Страсбург шаҳрида Европарламентнинг сайёр сессияси бўлиб ўтмоқда, унда бошқа қонун лойиҳалари қаторида «Табиатни тиклаш тўғрисида»ги қонун ҳам кўриб чиқилмоқда, деб хабар беради Kazinform.

Қонун лойиҳаси Европарламентнинг асосий фрациялари ўртасида бир неча ой давомида қизғин муҳокама қилиняпти. Кўриб чиқилаётган қоидалар Европа Иттифоқига 2030 йилгача қуруқлик ва денгиз юзасининг камида 20 фоизини табиий ҳолатига қайтариш, иқлим ўзгариши таҳдиди остида бўлган биохилма-хилликни сақлаш ва кўпайтиришни қонуний равишда белгилайди.

Қонун шунингдек, 2050 йилгача кимёвий пестицидлардан фойдаланишни 50 фоизга қисқартиришни талаб қилади.

Қонун лойиҳаси Европа парламентининг яшил, сўл марказчи сиёсатчилар ва экологик ташкилотлар томонидан қўллаб-қувватланди.

Бироқ айнан мана шу ҳужжат Европа Иттифоқининг бир қатор сиёсий кучларининг кескин муносабатига сабаб бўлди.

Натижада, христиан демократлар ва бошқа ўнг қанот депутатлар бунинг натижасида қишлоқ хўжалиги ерлари қисқаришини, ҳосилдорлик пасайиши ва озиқ-овқат хавфсизлиги ва фермерлар фаровонлигига таҳдид солишини айтди.

Сешанба куни Страсбургдаги Европа парламенти биноси атрофидаги транспорт ҳаракати ёпилди. Бу жой тракторлари билан келган француз фермерлари томонидан тўсиб қўйилган.

Ўз навбатида экологлар Франциядаги Европарламент биноси олдида ўз пикетларини ўтказади. Таниқли фаол Грета Тунберг қонун лойиҳасини ҳимоя қилиш учун Страсбургга келган.