Францияда оғирлиги 15 тонна бўлган кит қирғоққа чиқиб қолди

PARIS. Kazinform - Франция шимолидаги Кале порти ишчилари қирғоқ яқинида узунлиги 19 метр, оғирлиги тахминан 15 тонна бўлган кит жасадини топди. Бу ҳақда якшанба куни La Voix du Nord газетаси маълум қилди, деб хабар беради Kazinform.

Гувоҳларнинг сўзларига кўра, сув жонивори логистика терминалининг металл таянчига урилиб, порт тўғонидаги тош тепалик яқинида қирғоққа чиқиб кетган.

Шимолий Франциядаги сут эмизувчиларни ҳимоя қилиш бўйича мувофиқлаштирувчи кенгаш раҳбари Жак Корпузопулоснинг айтишича, маҳаллий вақт билан соат 14:00 да воқеа жойига етиб келганида жониворнинг нобуд бўлган. Унинг сўзларига кўра, китнинг жасади душанба куни денгиз сатҳи кўтарилганда олиб ташланади ва сешанба куни эрталаб экспертиза ўтказилади.