Францияда намойишчилар мэрнинг уйини вайрон қилди

PARIS. Кazinform – Франциянинг Валь-де-Марн департаментидаги ЛъАи-ле-Роз мэри Винсент Жанбрун якшанба куни эрталаб унинг уйига ҳужум қилинганини эълон қилди ва буни мамлакатдаги тартибсизликлар натижасида унинг оиласини «ўлдиришга уриниш» деб атади, дея хабар беради Кazinform СNNга таяниб.

«Аввалги уч кечада бўлгани каби, тунги 1:30 да шаҳар мэриясида бўлганимда, уйимга келиб машина урилди, кейин эса уйимни ёқиб юборишга уринишди. Ўша пайтда уйда аёлим ва иккита кичкина болам ухлаётган эди. Хотиним ва фарзандларимдан бири ҳужумчилардан ўзини ҳимоя қилишга уринганида жароҳат олди», – дейилади шаҳар мэри баёнотида.

В.Жанбрун полиция ва қутқарув хизматларига ёрдам учун миннатдорчилик билдирди.

Эслатиб ўтамиз, Францияда 17 ёшли Нахель Мерзукнинг полиция томонидан ўлдирилиши оқибатида бошланган норозилик тўлқини давом этяпти. Ҳафта бошида Н.Мерзук Нантера шаҳрида полициячи томонидан отиб ўлдирилган. У шанба куни Нантера масжидида дафн этилган.

30 июнь, жума куни йигитнинг онаси Муния «France 5» телеканалига берган интервьюсида ўғлининг ўлимида фақат уни отиб ташлаган офицерни айблашини айтди. Бироқ, ўлим бутун мамлакат бўйлаб кенг тарқалган тартибсизликларни келтириб чиқарди.

Мамлакат Ички ишлар вазирлигининг дастлабки ҳисоб-китобларига кўра, Францияда 700 дан ортиқ киши ҳибсга олинган.