Францияда аэропортга Елизавета II номи берилди

PARIS.Кazinform - Ла-Манш яқинидаги Па-де-Кале департаментида жойлашган аэропорт энди Британиянинг марҳум қироличаси Елизавета II номи билан аталади, дея хабар тарқатди соҳил бўйидаги Ле-Туке-Пари-Плаж коммунаси мэри Даниэль Факель, деб хабар беради Kazinform UzAга таяниб.

«Биз халқаро аэропортимизни Елизавета II номи билан аташ учун расман Карл III розилигини олдик, – деб ёзган мэр ўзининг ижтимоий тармоқдаги саҳифасида. – Энди фақат маросим кунини белгилаш қолди. Таъкидланишича, бу қарор қиролича ва унинг амакиси – «Францияга ошиқ бўлган» қирол Эдуард VIII га юксак ҳурмат белгиси. «У ёш жияни ҳамроҳлигида самолётда учиб келиб, шу ерда отда сайр қилишни яхши кўрарди», – деган мэр.

Ле-Туке аэропорти ўтган асрнинг 30-йилларида қурилган бўлиб, йўловчи оқими бўйича мамлакатдаги йирик қўналғалардан бири ҳисобланади.