Франция аҳолисининг 60%и карантин талабларига риоя қилмаяпти - сўровнома

LONDON. Kazinform – Франция аҳолисининг учдан икки қисми локдаун талабларини бузган, деб хабар беради Kazinform ВВСга асосланиб.

Карантин билан боғлиқ сўров натижаларига кўра, францияликларнинг қарийб 60 фоизи иккинчи локдаун киритилгандан сўнг карантин чораларига риоя қилинмаганлиги аниқланди. Респондентларнинг қарийб тўртдан бир қисми кўчага чиқиш учун керакли рухсатномаларни тўлдирганда, нима учун уйдан чиқиб кетаётганлиги тўғрисида ёлғон маълумот берганлигини тан олди.

Умуман олганда, французлар иккинчи локдаунни эътиборсиз қолдирмоқда. Биринчи умумий карантин пайтида, сўровномага қатнашган одамлар тахминан 40 фоизи қоидаларни бузган. Уйдан чиқиш учун ёлғон маълумот беришдан ташқари, улар уйига қариндошларини ёки дўстларини таклиф қилишган. Сўралганларнинг тахминан 9 фоизи яқинларини кутиб олиш учун уйдан чиқиб кетишганини айтди. Биринчи локдаун пайтида бундай одамлар сони атиги 6% эди.

Сўров натижаларига кўра, куз охиридаги иккинчи локдаун одамларнинг руҳий ҳолатига биринчисига қараганда кўпроқ таъсир қилган. Сўралганларнинг тахминан 28 фоизи ўзларини қайғу ва ташвиш ҳис қилганлигини айтишди. Баҳорги карантин пайтида, тахминан ҳар бешинчи одам шундай ҳис қилган.

Мамлакат бош вазири Жан Кастекснинг айтишича, локдаун муддати яна бир ойга узайтирилиши мумкин.