Флоридадаги қозоғистонлик талабалар “Милтон” тўфони сабабли огоҳлантирилди

ASTANA. Kazinform – Чоршанба оқшомида “Милтон” тўфони жабрланиши кутилаётган АҚШнинг Флорида штатидан беш миллионга яқин одам эвакуация қилинмоқда. Бугунги кунда Қозоғистондан 31 нафар талаба штат олий ўқув юртларида таҳсил олмоқда.

Florida State University, University of Florida, University of South Florida ва University of Miami университетларида таҳсил олаётган қозоғистонлик талабалар ўз уйларида қолмоқда. Таълим муассасалари вақтинча ёпилган, ўқув жараёни тўхтатилган, деб хабар қилди “Халқаро дастурлар маркази” АЖ матбуот хизмати.

Халқаро дастурлар маркази Флорида штатига яқинлашаётган Милтон тўфони билан боғлиқ вазиятни кузатмоқда.

“Барча талабалар яқинлашиб келаётган бўрон ҳақида хабардор бўлиб, ўз кураторлари билан доимий алоқада. Вазиятдаги ҳар қандай ўзгаришларга зудлик билан жавоб бериш учун биз талабалар ва университетлар билан алоқани давом эттирамиз. Ҳозирда вазият тинч. Биз барча қозоғистонлик талабаларни хавфсизлик чораларига қатъий риоя қилишга ва тезкор маълумот олиш учун алоқада бўлишга чақирамиз”, – деди “Халқаро дастурлар маркази” АЖ матбуот котиби Ляззат Тукушева.

Хорижий ОАВларнинг ёзишича, чоршанба оқшомида “Милтон” тўфони жабрланиши кутилаётган Американинг Флорида штатидан беш миллионга яқин одам эвакуация қилинмоқда.