Финляндиянинг собиқ президенти, тинчлик бўйича Нобель мукофоти лауреати Мартти Ахтисаари вафот этди

Финляндиянинг собиқ президенти ва жаҳон тинчликпарвари, халқаро можароларни ҳал этишдаги фаолияти учун 2008 йилда Нобель мукофоти билан тақдирланган Мартти Ахтисаари душанба куни вафот этди. У 86 ёшда эди, деб хабар беради Kazinform агентлиги APга таяниб.

Финляндиянинг амалдаги президенти Саули Ниинистё Президент Мартти Ахтисаарининг вафоти ҳақидаги хабарни катта қайғу билан қабул қилганини таъкидлади.

"У ўзгаришлар даврида президент эди ва Финляндияни Европа Иттифоқининг глобал даврига олиб чиқди", – деди Ниинистё.

2021 йилда Ахтисаарида Альцгеймер касаллигининг авж олгани эълон қилинди.