Финляндия НАТО таркибида илк маротаба машғулот ўтказди

ASTANA. Kazinform – 17 ноябрь куни Финляндия ҳудудида НАТО мамлакатлари иштирокида кенг кўламли артиллерия машғулотлари бўлиб ўтди, деб хабар беради CNS ахборот агентлиги.

Бу Финляндиянинг 2023 йилда НАТОга аъзо бўлганидан кейинги биринчи йирик ҳарбий тадбиридир.

Машғулотлар НАТОнинг «Dynamic Front-25» дастури доирасида ташкил этилди. Унда Финляндия, АҚШ, Швеция, Буюк Британия, Франция ва НАТОнинг бошқа давлатларидан жами 3600 нафар аскар иштирок этди.

Машғулотлар Финляндиянинг Лапландия вилоятидаги Роважарви полигонида бўлиб ўтди. Бу полигон Европадаги энг йирик ҳарбий полигон ҳисобланади.

Финляндия армияси полковниги, машғулотлар раҳбари Макиталонинг сўзларига кўра, Роваярви полигони кўп йўналишли дала артиллерия тактик машқларини ўтказиш имконини беради. Бундан ташқари, ушбу ҳудуд ҳарбийларни Арктика минтақасининг мураккаб иқлим ва географик шароитларига мослашишга ўргатади.

Эслатиб ўтамиз, Финляндия 2023 йилнинг 4 апрелида расман НАТОнинг 31-аъзосига айланди.