Филиппиндаги тошқинлардан 1,4 миллион киши жабр кўрди

ASTANА. Кazinform – Табиий офатларнинг олдини олиш ва уларни бартараф этиш бўйича миллий кенгаш маълумотларига кўра, Филиппиндаги сув тошқинлари оқибатида 28 киши ҳалок бўлди, 3 киши бедарак йўқолди, дея хабар беради Кazinform.

489 та махсус ташкил этилган эвакуация пунктларида 211,9 минг фуқаро бор. 14100 киши олдиндан уйини тарк этган, 11 киши жароҳатланган. Тўфондан 1,39 миллион киши жабр кўрди. 14 та ҳудудда сув тошқинлари ва кўчкилар билан боғлиқ мингдан ортиқ ҳодиса қайд этилган. 156 та инфратузилма объектига етказилган зарар 171,5 миллион песо (3,13 миллион доллар), қишлоқ хўжалигига 299,7 миллион песо (5,47 миллион доллар) этиб баҳоланган. Сув тошқинлари 231 та йўл ва 55 та кўприкни вайрон қилган, 26 та денгиз порти ишини тўхтатган.

58 та шаҳарда электр таъминоти узилган, шу жумладан, 34 та шаҳарда электр таъминоти қайта тикланган, 9 та шаҳарда сув таъминоти муаммоси, 3 тасида алоқа муаммолари мавжуд. 554 та шаҳар ва 134 та муниципалитетда таълим муассасалари ва корхоналарда дарслар тўхтатилди. 33 та ҳудудда фавқулодда ҳолат жорий этилди.

Филиппин ҳукумати ёрдам сифатида 74,2 миллион песо (1,35 миллион доллар) ажратди.

Фото: ru.oxu.az