Филиппинда мазут тўкилиши: аҳоли кўнгил айниши ва бош айланишидан шикоят қилади

None
МАNILА. Kazinform - Ўтган ҳафта Филиппин қирғоқлари яқинида чўкиб кетган MT Princess Empress танкеридан саноат мазути тўкилиши оқибатида қирғоқ бўйидаги қишлоқларда ўнлаб одамлар касалликдан шикоят қилмоқда, дея хабар беради Kazinform BBCга таяниб.

Аввал хабар қилинганидек, Филиппинда танкер чўкиб кетганда саноатда фойдаланиладиган 800 минг литр мазут тўкилган. Доғлар аллақачон яқин атрофдаги бир нечта балиқчи қишлоқлари қирғоқларига этиб борган. Аҳоли қусиш, тиришиш ва бош айланиши ҳақида шикоят қиладилар.

Маҳаллий ОАВ хабарларига кўра, тўкилиш оқибатларини бартараф этиш учун жабрланган қишлоққа юборилган қутқарувчилар ҳам ўзларини ёмон ҳис қилишган.

Филиппин ҳукумати Шарқий Миндоро провинциясининг жабрланган ҳудудларида табиий офат эълон қилди ва мазут тўкилиши бартараф этилмагунча балиқ овлашни тақиқлади. Маҳаллий ҳокимият маълумотларига кўра, 60 қишлоқдаги 18 мингдан ортиқ балиқчи қирғоқда қолишга мажбур.

Филиппин қирғоқ қўриқлаш хизмати бир ҳафтадан кўпроқ вақт давомида тўкилган мазутни тўхтатишга ҳаракат қилмоқда. Ёнилғи мойининг тарқалишини олдини олиш учун тўсиқлар ўрнатилди.

Тахминан 800 000 литр (211 338 галлон) саноат мазутини олиб кетаётган MT Princess Empress танкери 28 феврал куни Филиппин яқинида чўкиб кетди. Барча 20 экипаж аъзоси ўтиб кетаётган юк ташувчи кема томонидан қутқарилган.


Сўнгги хабарлар