Филиппинда маймун чечаги билан касалланган яна 3 киши аниқланди
ASTANA. Kazinform – Филиппинда маймун чечаги вирусининг яна 3 та ҳолати аниқланди, мамлакатда жами касалланганлар сони 8 нафарга етди. Бу ҳақда Синьхуа агентлиги ёзди.
Филиппин соғлиқни сақлаш вазири Теодоро Гербозанинг айтишича, маймун чечаги вируси Маниладан келган 29 ва 34 ёшли эркак ва Маниланинг жанубдаги вилоятдан келган 29 ёшли эркакда топилган.
Унинг сўзларига кўра, янги беморларда MPXV II нинг енгил шакли бўлган.
Қозоғистон Республикаси Соғлиқни сақлаш вазирлигининг расмий вакили, давлат котиби ёрдамчиси Альберт Домингонинг маълум қилишича, 2022 йил июлидан бери Филиппинда маймун чечаги билан касалланган 17 та ҳолат қайд этилган.
“2023 йилдан буён 9 нафар бемор тузалиб кетди. 8 киши симптомлар йўқолишини кутаётган фаол беморлардир”, – дея қўшимча қилди А.Доминго.
А. Доминго Соғлиқни сақлаш вазирлиги фаол беморлар билан яқин алоқада бўлган одамларни кузатишда давом этишини маълум қилди.
